ᐆ4ᑐᕋᓱᐊᖅᑐᑦ: ᖁᕐᓗᖅᑐᖅ

ᑭᓪᓕᖃᖅᑐᓂ  ᐱᖓᓱᓂᑦ  ᐅᑯᓄᖓ  ᓄᓇᑦᓯᐊᖅ,  ᖁᓪᓗᖅᑐᒧᑦ  ᓂᕈᐊᖅᑕᐅᕕᐅᔪᖅ  ᐱᖓᓐᓇᖓᓃᓐᓂᕐᐸᖅ  ᓄᓇᕗᒻᒥ.  ᖁᕐᓗᖅᑐᖅ  ᓄᓇᕗᒻᒥ ᐱᖓᓐᓇᖓᓃᓛᖓ  ᓄᓇᓕᐅᔪ (ᐃᓄᒋᐊᓐᓂᖏᑦ 1,517,) ᐊᒥᓲᓂᖏᑦ ᐃᓄᐃᑦ.

ᐅᑯᐊᑐᐊᑦ  ᐱᖓᓲᔪᖅᑐᑦ  ᐳᓴᓐᑎᖏᑦ  ᐃᓄᐃᑦ  ᓱᓕ  ᐅᖃᓪᓚᒍᓐᓇᖅᑐᑦ  ᐃᓄᐃᓐᓇᑐᓐ,  ᓇᓗᓇᖏᑦᑐᖅ  ᐅᖃᐅᓯᖅ  ᐃᓄᑦᑎᑐᑦ,  ᓯᐊᓂ ᐱᑕᖃᕈᓐᓃᖅᓯᒪᓕᕐᑐ  ᖃᐅᑕᒫᑦ  ᐃᓅᓯᐅᔪᒥᑦ.

ᓄᕙᒡᔪᐊᕐᓇᖅ-19  ᓄᖅᑲᑎᑦᑎᓯᒪᔪᑦ  ᕿᓂᓂᕐᒧᑦ  ᐱᓕᕆᐊᓂᑦ,  ᒫᓐᓇ  ᓄᑖᓂᑦ  ᐱᔪᒪᓂᖅᑕᖃᓕᖅᑑᒐᓗᐊᖅ  ᖃᓂᒋᔭᖏᓐᓂ  ᒍᕋᐃᔅ  ᐃᒪᖓ ᐊᑐᕆᐊᕐᒧᑦ  ᐊᒻᒪᓗ  ᑐᓚᑦᑕᕕᒻᒧᑦ  ᐱᓕᕆᐊᖅ.

ᓴᖅᑭᑲᓐᓂᖃᑦᑕᖅᑐᓄᑦ  ᓄᓇᓕᖕᓂᑦ ᐃᓱᒫᓘᑕᐅᔪᑦ  ᒪᒃᑯᑦᑐᑦ  ᓱᕋᑦᑎᕆᖃᑦᑕᕐᓂᖏᑦ  ᐊᒻᒪᓗᑦ  ᐱᐅᓂᖓ  ᐃᓕᓐᓂᐊᕐᓂᓕᕆᓂᖅ  ᓄᓇᓕᒻᒥ  ᒪᕐᕉᓐᓂᒃ ᐃᓕᓐᓂᐊᕖᓐᓂᒃ.

ᑕᕝᕙᓂ  ᓂᕈᐊᒐᒃᓴᐅᓂᕐᒥ  ᐹᐱ  ᐊᓇᕕᓗᒃ,  ᐊᓐᔨᓕ  ᖁᓕᒃᑕᓇ  ᐊᒻᒪᓗ  ᔨᓃᕝ  ᓂᕕᖓᓗᒃ   ᓂᕈᐊᕋᒃᓴᐅᖃᑕᐅᔪᑦ  ᒫᓐᓇ  ᓂᕈᐊᖅᑕᐅᓯᒪᔪᒧᑦ  ᑲᐅᕕᓐ ᐊᐃᕝᒐᒃ  ᐲᑕᓴᓐ.

ᓰᐱᓰ  ᖃᐅᔨᒋᐊᖅᓯᒪᔪᑦ  ᑕᒪᒃᑭᓐᓄᑦ  ᓂᕈᐊᖅᑕᐅᒐᓱᐊᖅᑐᓄᑦ  ᑎᑎᕋᖅᓯᒪᔪᓂᑦ  ᐊᐱᖅᓲᑎᓂᒃ  ᐃᓄᒃᑎᑐᑦ  ᐊᒻᒪᓗ  ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ  ᓂᕈᐊᖅᑕᐅᒐᓱᐊᖅᑐᑉ  ᓇᒻᒥᓂᕆᔭᖓᓂᑦ  ᖃᕋᓴᐅᔭᓕᕆᓂᕐᒧᑦ  ᓂᕈᐊᖅᑕᐅᒐᓱᐊᕐᓂᕐᒧᑦ  ᐅᖃᐅᓯᒃᓴᓂᑦ.  ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ  ᐋᖅᑭᒋᐊᖅᑕᐅᓯᒪᔪᑦ  ᑕᑭᓂᖏᓐᓂᑦ ᐊ ᒻᒪᓗ  ᑐᑭᓯᐊᔾᔪᑎᒃᓴᖏᓐᓄᑦ.

ᐹᐱ  ᐊᓇᕕᓗᒃ

ᐹᐱ ᐊᓇᕕᓗᒃ  ᐃᓅᓚᐅᕐᓯᒪᔪᖅ  ᓯᑖᕙᐃᓴᓐ  ᑲᖏᕐᓱᒥᑦ  ᐊᒻᒪᓗ  ᐱᕈᓴᓚᐅᕐᓯᒪᔪ  ᖃᓂᒋᔭᖓᓂ  ᐃᖃᓗᒃᑑᑦᓯᐊ,  ᕿᖓᐅᑦ,  ᑯᐊᓐᕗᐃᑐ  ᑕᓰᑦ ᐊᒻᒪᓗ ᖁᕐᓗᖅᑐᖅ.

ᐃᓕᓐᓂᐊᕐᓂᑯ   ᖁᕝᕙᓯᓐᓂᖏᒻᒥᑦ  12 ᑭᓯᐊᓂ  "ᐱᔪᒥᓇᖏᑦᑐᒥᑦ  ᐱᔭᕇᓚᐅᖏᑕᕋ  ᐅᑎᓚᐅᖏᓂᕐᓄᑦ  ᐃᓕᓐᓂᐊᕕᒻᒧᑦ  ᐊᑖᑕᒐ ᐃᓅᒍᓐᓃᓚᐅᖅᑎᓪᓗᒍ  1982−ᒥᑦ."

ᐊᓇᕕᓗᒃ  ᐃᖅᑲᓇᔭᖃᑦᑕᖅᓯᒪᔪᖅ  ᐅᐊᓕᓂᐅᑉ  ᑕᕆᐅᖓᓂ  ᐅᖅᓱᐊᓗᓐᓂᐊᖅᑐᓂᑦ  ᓄᖑᖏᓐᓂ 1980,  ᐊᒻᒪᓗ  ᓄᓇᐅᑉ  ᐃᑭᖓᓂ  ᓘᐱᓐ  ᒎᓗᓂᑦ ᐅᔭᕋᓐᓂᐊᕕᒻᒥ  ᑎᑭᒐᓱᐊᕐᓂᖓᓄᑦ  ᐱᒋᐊᕐᓂᖏᓐᓂ 1990.  ᐃᒻᒥᕐᒧᑦ  ᐃᖅᑲᓇᐃᔭᖅᓯᒪᓕᖅᑐ ᖅ ᓴᓇᖑᐊᑎᐅᓪᓗᓂ  ᐅᖓᑖᓃᓗᐊᖅᑐᓂᑦ 26 ᐊᕐᕌᒍᓂᑦ.

ᐃᓚᒋᔭᐅᖃᑦᑕᖅᓯᒪᒻᒥᔪᖅ  ᓴᓇᐅᒐᕐᓂᑦ , ᐱᖅᑯᓯᓄᑦ  ᑎᒥᐅᔪᓄᑦ,  ᑲᑐᔾᔨᖃᑎᒋᓄᑦ  ᐱᒋᐊᖅᑐᓂ 1990ᖏᓐᓂ  ᑎᑭᑦᓱᒍ  ᒫᓐᓇᒧᑦ.  ᐅᖃᓪᓚᒍᓐᓇᖅᑐᖅ ᐊᒻᒪᓗ  ᑎᑎᕋᕈᓐᓇᖅᑐᖅ  ᐃᓄᐃᓐᓇᑎᑐᑦ.

"ᐃᑲᔪᕈᒪᒐᒃᑯ  ᓄᓇᓕᒐ  ᓴᖏᔪᒥᑦ  ᓂᐱᖃᕐᓗᑎ , ᓄᓇᓕᒻᒧ /ᐃᑉᐱᒍᓱᑦᑎᐊᕐᓂᖅ,  ᐋᓐᓂᐊᖅᑐᓕᕆᓂᖅ, ᐃᒡᓗᓕᕆᓂᕐᒧᑦ.   ᓴᖓᑎᓪᓗᒍ  ᖃᐅᔨᒪᔭᐅᓂᖓ ᓄᓇ  ᐊᑐᖅᑕᐅᓂᖓᓄᑦ,  ᐆᒪᔪᓄᑦ  ᓇᔪᖅᑕᐅᕙᑦᑐᑦ  ᓴᐳᒻᒥᔭᐅᓂᖏᑦ  ᐱᔾᔪᑎᒋᓪᓗᒍ  ᓄᓇᖅᔪᐊᖅ  ᐅᖅᑰᓯᕙᓪᓕᐊᓂᖓ  ᐊᒻᒪ  ᐊᖏᔪᑦ ᐱᓕᕆᕕᐅᔪᑦ  ᐱᕙᓪᓕᐊᑎᑦᑎᓂᕐᒧᑦ."

ᐊᖏᓛᖑᔪᑦ  ᐃᓱᒫᓘᑕᐅᔪᑦ  ᓄᓇᓕᒻᒧᑦ  ᐃᓱᒪᔮᖃᑦᑕᖅᑐᓄᑦ  ᐋᓐᓂᐊᖃᕐᓇᖏᑦᑐᓕᕆᓂᖅ,  ᐃᓚᒌᓂᑦ,  ᐃᓐᓇᑐᖃᕐᓂᑦ  ᑲᒪᒋᔭᖃᕐᓂᖅ, ᐃᒡᓗᓕᕆᓂᖅ ᐊᒻᒪᓗ  ᐃᓗᐃᑦ  ᐱᐅᓯᑎᒋᐊᖅᑕᐅᓂᖏᑦ.

ᐱᔨᑦᑎᖃᑕᐅᒍᒪᒐᔭᕐᑐᖅ  ᒥᓂᔅᑕᐅᑎᓂᑦ  "ᐃᑲᔪᕐᓗᒋᑦ  ᓄᓇᓕᓕᒫᑦ  ᓄᓇᕗᒻᒥ."

 ᐱᔨᑦᑎᕋᔭᖅᑐᓂ  ᓯᕗᓕᖅᑎᐅᓂᕐᒧᑦ  ᐱᔾᔪᑎᒋᓪᓗᒍ  "ᐱᕕᔅᓴᐅᓂᖓ  ᓴᖅᑭᕈᓂ.  ᐋᒡᒑᕐᓗᒍ  ᐊᖏᖏᓐᓂᐅᔪᖅ  ᐃᑲᔪᕐᓗᒋᑦ ᓄ ᓇᕗᒻᒥᐅᑦ."

ᐊᓐᔨᓕ  ᖁᓕᒃᑖᓇ

ᐊᓐᔨᓕ  ᖁᓕᒃᑖᓇ  ᐅᖃᕐᑐᖅ  ᓂᕈᐊᕋᔅᓴᐅᖃᑕᐅᔪ  ᐱᔾᔪᑎᒋᓪᓗᒍ  ᓂᐱᒋᔭᐅᒍᒪᒻᒪᑦ  ᖁᕐᓗᕐᒥᐅᓄᑦ.

"ᐃᑲᔪᕈᒪᔭᒃᑲ  ᖁᕐᓗᖅᑐᕐᒥᐅᑦ  ᐊᒻᒪᓗ  ᐃᖅᑲᓇᐃᔭᖃᑎᒋᓗᒋᑦ ᐱᐅᓯᑎᒋᐊᕐᓗᒍ  ᓄᓇᓕᕗᑦ,"  ᐅᖃᖅᑐᖅ  ᖁᕐᓗᖅᑐᕐᒥᐅᓄᑦ  ᐃᕐᖏᓐᓈᕈᑎᒃᑯᑦ ᓂᕈᐊᕋᒡᓴᐅᓂᕐᒧᑦ  ᑐᓴᒐᒃᓴᖓᓂ.

ᖁᓕᒃᑖᓇ  ᐅᖃᖅᑐᖅ  ᑐᓂᓯᓯᒪᓂᕋᖅᑐᖅ  ᐱᓕᕆᐊᖃᖅᑐᓂ  ᐃᒡᓗᓕᕆᓂᕐᒧᑦ  ᐃᓱᒫᓘᑕᐅᔪᓂᑦ ᐊ ᒻᒪᓗ  ᐃᖅᑲᓇᐃᔭᕋᔭᖅᑐᓂ ᐱᐅᓯᑎᒋᐊᖅᑕᐅᓂᖏᓐᓄᑦ  ᐃᓕᓐᓂᐊᕐᓂᓕᕆᓂᕐᒧᑦ.

"ᓴᓐᖓᑦᑎᒋᐊᕆᐊᖃᖅᑕᑦ  ᐱᔭᒃᓴᐅᓂᖏᓐᓄᑦ  ᐱᖅᑯᓯᓄᑦ  ᖃᐅᔨᒪᓂᐅᔪᑦ, ᖃᓄᐃᖏᑎᐊᓂᕐᒥᑦ  ᐃᓅᓂᕐᒧᑦ  ᓇᓖᕌᕋᔅᓴᐃᑦ,  ᓈᒻᒪᑦᑐᓂᑦ  ᓂᕿᓄᑦ ᐊᑭᖏᓐᓄᑦ  ᐃᓄᓐᓄᑦ  ᓄᓇᕗᒻᒥ.  ᓴᖅᑭᑎᑦᑎᔪᒪᔪᖓ  ᑐᑭᖃᑦᑎᐊᖅᑐᒥᑦ  ᐱᓕᕆᖃᑎᒌᓐᓂᐅᔪᓂᑦ  ᓄᓇᓕᒻᒧᑦ  ᐊᒻᒪᓗ  ᒐᕙᒪᒃᑯᓐᓄᑦ,"  ᐋᓐᔨᓕ ᐅᖃᖅᑐᖅ.

ᖁᓕᒃᑖᓇ  ᐅᖃᑲᓐᓂᕐᑐ  ᐱᓕᕆᖃᑕᐅᓂᖃᖅᓯᒪᓪᓗᓂ  ᓄᓇᓕᖕᓂ ᐊᐅᓚᑦᑎᓂᕐᒥᑦ,  ᕼᐊᒻᒪᓚᒃᑯᓐᓄᑦ  ᑲᑎᒪᔨᐅᖃᑕᐅᓪᓗᓂ  ᖁᕐᓗᖅᑐᒥ,  ᖁᕐᓗᖅᑐᖅ ᐃᒡᓗᓕᕆᔨᒃᑯᑦ  ᑲᑐᔾᔨᖃᑎᒌᖏᑦ,  ᖁᕐᓗᖅᑐᒥ ᐃ  ᓕᓐᓂᐊᕐᓂᓕᕆᓂᕐᒧᑦ ᑲᑎᒪᔨᖏᑦ  ᐊᒻᒪᓗ  ᑯᐊᐸᒃᑯᑦ  ᑲᑎᒪᔨᖏᑦ.

ᐅᖃᖅᑐᖅ ᐊᔭᐅᕐᑎᕆᒃᑲᓐᓂᕋᔭᕐᒥᔪ  ᐊᒥᓱᒃᑲᓂᕐᓂᑦ  ᐊᖏᕋᐅᔪᓂᑦ  ᖁᕐᓗᖅᑐᒧᑦ  ᐊᒻᒪᓗ  ᐃᑲᔪᖅᑕᐅᔪᒪᔪᖅ  ᓇᒻᒥᓂᖃᖅᑐᓄᑦ  ᐱᓯᒪᑦᑎᔪᓐᓇᐃᓪᓕᔪᓄᑦ ᐊᖏᕋᖏᓐᓂ  ᐃᓐᓇᐅᓗᐊᓕᕐᓂᖏᓐᓄᑦ,  ᐊᐃᑉᐸᐃᖅᓯᒪᓪᓗᑎ  ᐅᕝᕙᓘᓐᓃᑦ  ᐋᓐᓂᐊᓂᕐᒧᑦ.

ᐅᖃᕐᒥᔪᖅᑕᐅ  ᐊᔭᐅᖅᓯᒐᔭᖅᑐᓂ  ᕿᑎᐊᓃᑦᑐᓄᑦ  ᐃᓕᓐᓂᐊᕕᒻᒥᑦ  ᓄᓇᓕᖕᓂᑦ  ᐊᒻᒪᓗ ᐃᓚᒋᔭᐅᑎᑦᑎᔪᓂᑦ  ᐱᓕᕆᐊᓂᑦ  ᐃᓄᐃᓐᓇᕐᑐᓐ.

"ᐅᖃᐅᓯᓕᕆᓂᕐᒧᑦ  ᖃᐅᔨᒪᑎᑕᕗᑦ  ᐃᓕᓐᓂᐊᖅᑎᑕᐅᔭᕆᐊᓕᒃ  ᓄᑖᒥᑦ  ᐃᓄᐃᓐᓇᕐᑐᓐ  ᑎᑎᕋᐅᓯᕐᒥᑦ  ᐊᑐᖅᑕᐅᔪᒥᑦ,  ᐃᑲᔪᕈᓐᓇᕐᒥᔪ ᓴᐳᒻᒥᔭᐅᓗᓂ  ᐅᖃᐅᓯᖅ,"  ᐅᖃᖅᑐᖅ  ᖁᓕᒃᑖᓇ  ᐅᖃᕈᓐᓇᖅᑐᖅ,  ᐅᖃᓕᒫᕈᓐᓇᖅᑐᖅ  ᐊᒻᒪᓗ  ᑎᑎᕋᕈᓐᓇᖅᑐᖅ  ᐃᓄᐃᓐᓇᕐᑐᓐ ᐊᒻᒪᓗ ᖃᓪᓗᓈᑎᑐᑦ.

ᔨᓃᕝ  ᓂᕕᖓᓗᒃ

ᔨᓃᕝ  ᓂᕕᖓᓗᒃ  ᐃᓅᓚᐅᖅᓯᒪᔪᖅ  ᔭᓗᓇᐃᕝᒥ  ᐊᒻᓗ ᒪ ᐱᕈᖅᓴᓯᒪᓪᓗᓂ  ᖁᕐᓗᖅᑐᒥ.

ᐱᔭᕇᖅᓯᓯᒪᔪᖅ  ᖁᕐᓗᖅᑐᒥ  ᐃᓕᓐᓂᐊᕕᒃᔪᐊᒥᑦ  2002, ᐃᓂᓴᐃᔨᐅᓂᕐᒧ  ᐃᓕᓐᓂᐊᕐᓂᑯ   ᐃᓕᓐᓂᐊᕐᓂᖅ/ᐃᓕᓐᓂᐊᓯᓐᓈᕐᓂᖅ  2006-2007, ᓂᕕᖓᓗᒃ  ᐃᖅᑲᓇᐃᔭᖃᑦᑕᖅᓯᒪᔪᖅ  ᐃᖅᑲᑐᖅᑕᐅᔪᓂᑦ  ᐱᓕᕆᔨᐅᓪᓗᓂ  ᒪᓕᒐᓕᕆᔨᒃᑯᓐᓄᑦ,  ᓄᓇᓕᒻᒥ  ᑐᓴᕆᐊᕐᕕᐅᓪᓗᓂ  ᕼᐊᒻᒪᓚᒃᑯᓐᓄᑦ  ᐊᒻᒪᓗ  ᑎᑎᕋᖅᑎᐅᓪᓗᓂ/ᐋᓐᓂᐊᕕᓕᐊᖅᑐᓄᑦ  ᐊᐅᓚᓂᕐᒧᑦ  ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ.

ᒫᓐᓇᐅᔪᒥᑦ  ᐃᖅᑲᓇᐃᔭᖅᑐᖅ  ᓄᓇᕗᑦ  ᒐᕙᒪᒃᑯᓐᓄᑦ  ᐃᓄᓕᕆᔨᒃᑯᓐᓄᑦ,  ᑲᑎᒪᔨᓃᖃᑕᐅᖃᑦᑕᖅᓯᒪᒻᒥᔪᖅ  ᓄᓇᓕᖕᓂ  ᐃᓕᓐᓂᐊᕐᓂᓕᕆᓂᕐᒧᑦ ᑲᑎᒪᔨᓂᑦ,  ᐃᒥᐊᓗᓕᕆᔨᒃᑯᑦ  ᑲᑎᒪᔨᕋᓛᖏᓐᓂᑦ,  ᒪᓕᒐᓕᕆᓂᕐᒧᑦ ᑲ ᑎᒪᔨᕋᓛᓂᑦ  ᐊᒻᒪᓗ  ᐱᖅᑯᓯᑐᖃᓕᕆᓂᕐᒧᑦ  ᑲᑎᒪᔨᕋᓛᓂᑦ.

ᓂᕕᖓᓗᒃ ᐅᖃᖅᑐᖅ ᓂᕈᐊᕋᔅᓴᐅᓇᓱᐊᖅᑐᖅ ᓂᐱᒋᔭᐅᓗᓂ ᓄᓇᓕᖓᓄᑦ.

ᑐᕌᒐᖏᑦ  ᓇᓂᓗᒋᑦ  ᐊᑦᑎᓪᓕᒋᐊᕈᑎᖏᑦ  ᐊᔪᖅᓴᓂᕐᒧᑦ,  ᐊᖏᕋᖃᖏᓂᕐᒧᑦ,  ᐱᔭᒃᓴᐅᓂᖏᓐᓄᑦ  ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ  ᖃᒻᒪ ᐃᓱᒪᔮᖃᑦᑕᖅᑐᓄᑦ  ᐋᓐᓂᐊᖅᑐᓕᕆᓂᖅ  ᐊᒻᒪᓗ  ᐱᓕᕆᐊᕆᓗᒋᑦ  ᐃᓄᒋᐊᓗᐊᖅᑐᑦ  ᐃᒡᓗᓕᕆᓂᕐᒥᑦ. 

ᐊᖏᓛᖑᔪᑦ  ᐃᓱᒫᓘᑕᐅᔪᑦ  ᓄᓇᕗᒻᒧ   ᑕᕝᕙᓂ  ᓂᕈᐊᕐᓂᐅᔪᒥᑦ  ᐱᖃᓯᐅᔾᔨᔪᑦ  ᐱᑕᖃᑦᑎᐊᖏᓐᓂᖓᓄᑦ  ᐊᑯᓂᐅᔪᒧᑦ  ᐃᒡᓗᐃᑦ  ᓄᓇᓕᖕᓂᑦ ᓄᓇᓕᒻᒥᐅᑕᓄᑦ,  ᐃᓐᓇᑐᖃᕐᓄᑦ,  ᖁᕝᕙᓯᓐᓂᖓ  ᐊᑭᖓ ᐃᓅᓇᓱᐊᓂᕐᒧᑦ,  ᐃᒡᓗᑭᔅᓴᕐᓂᖅ  ᐊᒻᒪᓗ  ᐱᑕᖃᒃᑲᓐᓂᕆᐊᖃᕐᓂᖏᑦ  ᐃᖅᑲᓇᐃᔮᒧᑦ ᐃᓕᓐᓂᐊᓂᕐᒧᑦ   ᐃᖅᑲᓇᐃᔭᖏᑦᑐᓄᑦ.

ᐱᔨᑦᑎᕋᔭᖅᑐᖅ  ᒥᓂᔅᑕᐅᑎᓂᑦ  ᐱᕕᒃᓴᐅᔪᖅ  ᐊᑐᐃᓐᓇᐅᓕᕐᓂᕈᓂ  ᑭᓯᐊᓂ  ᓯᕗᓕᖅᑎᐅᕕᖏᓗ.

ᑲᐅᕕᓐ  ᐊᐃᕝᒐᒃ  ᐲᑕᓴᓐ

ᑲᐅᕕᓐ  ᐲᑕᓴᓐ  ᓂᕈᐊᖅᑕᐅᓚᐅᖅᓯᒪᔪᖅ  ᓂᕈᐊᕋᒃᓴᑐᐊᖑᓂᖓᓄᑦ  ᔪᓚᐃ 202 0 ᑭᒡᒐᖅᑐᐃᓗᓂ  ᓂᕈᐊᖅᑕᐅᕕᒻᒥ  ᖁᕐᓗᖅᑐᖅ  ᒪᓕᒐᓕᐅᖅᑎ ᒪᐃᓚ  ᑲᒥᓐᖑᐊᖅ   ᓄᖅᑲᓚᐅᖅᑎᓪᓗᒍ.

ᓯᕗᓂᐊᒍᑦ,  ᐃᖅᑲᓇᐃᔭᓚᐅᖅᑐᖅ  ᐅᑭᐅᑕᖅᑐᒥ  ᖃᐅᔨᒪᔭᐅᔪᑦ  ᑲᓇᑕᒥ  ᖃᐅᔨᓴᖅᑐᓂ  ᐱᓕᕆᔨᐅᓪᓗᓂ.

ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ  ᐱᖃᓯᐅᔾᔨᔪᑦ  ᐱᓕᕆᐊᓕᐅᓂᕐᒧᑦ  ᐱᓕᕆᔨ  ᐱᕙᓪᓕᐊᔪᓕᕆᔨᒃᑯᑦ , ᐃᖏᕋᔪᓕᕆᔨᒃᑯᑦ,  ᐊᐅᓚᓂᖏᓐᓄᑦ  ᐊᒻᒪᓗ ᐱᓕᕿᐊᒧᑦ  ᑲᒪᔨᐅᓪᓗᓂ  ᒪᓕᒐᓕᕆᔨᒃᑯᓐᓂᑦ.

ᐲᑕᓴᓐ  ᓄᓇᓕᖕᓄᑦ  ᐃᑲᔪᑐᐃᓐᓇᖃᑦᑕᖅᓯᒪᔪᖅ  ᐸᖅᓴᐃᔨᓄᑦ,   ᕿᓂᖅᑎᓄᑦ ᐊᒻᒪᓗ  ᑲᓇᑕᒥ  ᐅᑭᐅᑕᖅᑐᒥ  ᐅᓇᓕᒃᓴᓃᖃᑕᐅᓯᒪᔪᖅ.

ᐊᑖᑕᖓ  ᕆᐊᑦ  ᐲᑕᓴᓐ ᐱᔨᑦᑎᓚᐅᖅᓯᒪᔭᖏᖅ  ᓂᕈᐊᖅᑎᐅᔪᑦ  ᕿᑎᕐᒥᐅᑦ  ᐱᖓᓐᓇᖓᓄ  ᓄᓇᑦᓯᐊᒥ  ᒪᓕᒐᓕᐅᕐᕕᒻᒥ  ᒪᕐᕉᓐᓄᑦ ᓂᕈᐊᖅᑕᐅᓯᒪᓂᕆᔭᐅᔫᓐᓄᒃ,  ᐱᒋᐊᖅᑐ ᓂ 1983 ᑎᑭᑦᑐᒍ 1991.

ᓂᕈᐊᖅᑕᐅᒍᓂ,  ᐲᑕᓴᓐ  ᑐᕌᒐᖏᑦ  ᐱᖃᓯᐅᔾᔨᔪᑦ  ᐱᐅᓂᖅᓴᒥᑦ  ᑲᐱᔭᐅᖃᑦᑕᕐᓂᖏᓐᓄᑦ  ᖁᕝᕙᓯᓐᓂᖏᑦ, ᐱᐅᓯᑎᒋᐊᖅᑕᐅᓂᖏᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ  ᐊᑐᖅᑕᐅᔪᑦ  ᐊᑕᖏᖅᑐᒋᑦ,  ᑕᒪᒃᑭᓐᓂ  ᐃᓗᐊᓂ  ᐊᒻᒪᓗ  ᓯᓚᑖᓂ  ᓄᓇᕗᑦ.

ᑕᑯᔪᒪᒻᒥᔪᖅ  ᐱᐅᓯᑎᒋᐊᖅᑕᐅᓗᑎ  ᐃᓐᓇᑐᖃᐃᑦ  ᑲᒪᒋᔭᐅᓂᖏᓐᓄᑦ, ᐃᓪᓗᒃᓴᖅᑕᖃᒃᑲᓂᕐᓗᓂ  ᐊᒻᓗ ᒪ ᐱᐅᓂᖅᓴᓂᑦ  ᐃᒡᓗᓕᕆᓂᕐᒧᑦ.

ᐃᓚᖏᑦ  ᑐᕌᒐᒋᑦ  ᐃᓕᓐᓂᐊᕐᓂᓕᕆᓂᖅ,  ᐃᖅᑲᓇᐃᔭᕐᓂᖅ,  ᐱᓕᕆᖃᑎᒌᓕᖃᑎᖃᕈᒪᔪ ᖅ ᓄᑖᓂ ᐅᔭᕋᓐᓂᐊᕕᓐᓂ  ᑎᒥᐅᔪᓂᑦ,  ᖁᕝᕙᕆᐊᕐᓗᒋᑦ ᐃᓕᓐᓂᐊᕐᓂᖅ  ᓄᓇᓕᒻᒥᐅᑕᐃᑦ ᐃ ᓄᐃᑦ  ᖁᑦᑎᓂᖅᓴᒧᑦ  ᐃᖅᑲᓇᐃᔮᖃᕈᓐᓇᓂᐊᕐᖓᑕ  ᐅᔭᕋᓐᓂᐊᓂᕐᒥᑦ  ᐱᓕᕆᓂᐅᔪᒥᑦ.

"ᓴᓐᖏᔫᔪᑦ, ᐱᔪᓐᓇᕐᓂᖃᖅᑐᑦ  ᐃᓄᐃᑦ  ᐊᑐᐃᓐᓇᐅᔪᑦ  ᐃᓕᓐᓂᐊᓂᕐᒥᑦ  ᐃᖅᑲᓇᐃᔭᖅᓯᓐᓈᑦ  ᐅᖓᕐᕙᕆᐊᕐᓗᒋᑦ  ᐃᖅᑲᓇᐃᔮᖏᑦ  ᓄᓇᓕᑦᑎᓐᓂ," ᐅᖃᖅᑐᖅ  ᐃᕐᖏᓐᓈᕈᑎᒃᑯᑦ  ᓴᖅᑭᖅᑎᑕᖓᓂ.

ᐱᔨᑦᑎᖁᒪᓂᖃᖅᑐᖅ   ᒥᓂᔅᑕᐅᑎᓂᑦ.