ᖃᑎᒃᑭᑦ ᓄᓇᕗᒻᒥ 5 ᓂᕈᐊᖅᑕᐅᔪᑦ ᓂᕈᐊᕋᔅᓴᑐᐊᖑᓪᓗᑎ ᒪᓕᒐᓕᐅᖅᑏᑦ

ᑕᓪᓕᒪᑦ  ᓄᓇᕗᒻᒥ  22  ᓂᕈᐊᖅᑕᐅᕕᐊᔪᓃᑦ  ᓂᕈᐊᖅᑕᐅᔪᑦ  ᓂᕈᐊᕋᒃᓴᑐᐊᖑᓪᓗᑎ, ᑕᐃᒪᐃᓐᓂᖓᓄᑦ  ᓂᕈᐊᕐᓂᖃᓛᖏᑦᑐᑦ  ᐅᓪᓗᖓᓂ  ᐋᒃᑑᐱᕆ  25  ᓂᕈᐊᖅᑎᓄᑦ  ᑖᒃᑯᓄᖓ  ᓂᕈᐊᖅᑕᐅᕕᐅᔪᓄᑦ.

ᓄᓇᕗᒻᒥ  ᓂᕈᐊᖅᑐᓕᕆᔨᒃᑯᑦ  ᓇᓗᓇᐃᕐᓯᓚᐅᖅᑐᑦ  ᓂᕈᐊᖅᑕᐅᔪᑦ  ᓂᕈᐊᕋᒃᓴᑐᐊᖑᓪᓗᒋᑦ  ᓂᕈᐊᖅᑕᐅᓯᒪᔪᑦ  ᓯᑎᐱᕆ 24, ᑭᖑᓂᐊᒍᑦ ᐃᓱᓕᒡᕕᖓ  ᓂᕈᐊᕋᒃᓴᐅᓂᕐᒧᑦ  ᓇᓗᓇᐃᖅᓯᓂᕐᒧᑦ  ᖄᖏᖅᓯᒪᓕᖅᑎᓪᓗᒍ  ᐊᒻᒪ  ᐊᑕᐅᓯᑐᐊᖅ  ᓂᕈᐊᕋᒃᓴᖅ  ᓂᕈᐊᖅᑕᐅᓇᓱᑦᑐᓂ  ᑖᒃᑯᓇᓂ ᓂᕈᐊᖅᑦᑕᐅᕕᐅᔪᓂ.

ᓂᕈᐊᕐᓂᖃᔾᔮᓛᖏᑦᑐᑦ  ᐊᑕᖏᖅᑐᒋᑦ  ᐊᕐᕕᐊᓂᑦ  ᐱᔾᔪᑎᒋᓪᓗᒍ  ᒪᕐᕉᒃ  ᒪᓕᒐᓕᐅᖅᑏᒃ  ᑕᕝᕙᓂ  ᓄᓇᓕᖕᓂ  ᖃᓂᒋᔭᖓᓃᑦᑐᑦ 3000 ᓇᓗᓇᐃᕐᑕᐅᓚᐅᖅᑐᑦ.

ᐸᓐᓂᖅᑑᒧᑦ  ᒪᓕᒐᓕᐅᖅᑎ   ᒫᒡᒍᓚᑦ ᓇᑲᓱᒃ,  ᓂᒋᐊᓄᑦ ᕿᑭᖅᑖᓗᒃ  ᒪᓕᒐᓕᐅᖅᑎ  ᑕᐃᕕᑎ ᔪᐊᓇᓯ, ᖁᑦᑎᒃ ᑐᒧᑦ  ᒪᓕᒐᓕᐅᖅᑎ ᑕᐃᕕᑎ  ᐊᕿᐊᕈᖅ, ᒥᓂᔅᑕᐅᔪ  ᓄᓇᕗᒻᒥ   ᒐᕙᒪᐅᓚᐅᖅᑐᒥᑦ,  ᓂᕈᙱᐊᖅᑕᐅᓚᐅᖅᑐᑦ  ᓂᕈᐊᕋᒃᓴᑐᐊᖑᓪᓗᓂ  ᐅᑯᐊᓗ  ᓂᒋᐊᓄ  ᐊᕐᕕᐊᑦ  ᒪᓕᒐᓕᐅᖅᑎ  ᔫ ᓴᕕᑲᑖᖅ  ᐊᒻᒪ  ᐅᐊᓐᓇᖓᓄ  ᑎᑭᕋᕐᔪᐊᖅ ᒪᓕᒐᓕᐅᖅᑎ   ᔮᓐ ᒪᐃᓐ.

ᓴᕕᑲᑖᖅ, ᓯᕗᓕᖅᑎᐅᕋᑖᖅᓯᒪᔪᖅ  ᓄᓇᕗᒻᒧᑦ,  ᐅᖃᐅᑎᓚᐅᖅᑕᖏᑦ  ᓰᐱᓰ  ᓂᕈᐊᕋᒃᐅᓴᑲᓐᓂᕐᓂᐊᖅᓱᓂ  ᓯᕗᓕᕐᑎᐅᓂᕐᒧᑦ  ᐊᒻᒪ  ᑖᓐᓇᑐᐊᖑᓪᓗᓂ 58  ᓂᕈᐊᕋᒃᓴᓂᑦ  ᐃᖅᑲᓇᐃᔭᖃᑦᑕᖅᓯᒪᔪᖅ  ᐱᓕᕆᒋᐊᖃᖅᑕᖏᓐᓂᑦ.

ᓂᕈᐊᖅᑕᐅᖃᑦᑕᖅᑐᓂᑦ  ᑎᒥᑖᖃᕐᓇᓂ  ᓄᓇᕗᒻᒥ  ᐊᖏᖃᑎᒌᖃᑦᑕᖅᑐᑦ  ᒐᕙᒪᐅᔪᑦ, ᐊᑕᖏᕐᓱ ᖏᑦ  ᒪᓕᒐᓕᐅᖅᑏᑦ  ᐃᒻᒥᑰᖅᑐᑎ  ᓂᕈᐊᕋᒃᓴᐃᑦ. ᓂᕈᐊᕐᓂᐅᓚᐅᖅᑎᓪᓗᒍ,  ᓯᕗᓕᖅᑎ  ᐊᒻᒪ  ᒥᓂᔅᑕᐅᑏᑦ  ᓂᕈᐊᖅᑕᐅᔪᑦ ᒪᓕᒐᓕᐅᖅᑎᓄᑦ ᑕᑯᔅᓴᐅᑎᑦᑎᓇᑎ  ᓂᕈᐊᖅᑐᑎ ᐊᔾᔨᐅᖏᑦᑐᒥᑦ ᓯᕗᓕᖅᑎᐅᓂᕐᒧᑦ ᑲ ᑎᒪᓂᕐᒥᑦ, ᐋᖅᑭᑦᑕᐅᓯᒪᔪᖅ  ᓅᕕᐱᕆ 17.

ᔮᓐ ᒪᐃᓐ,  ᓂᕈᐊᖅᑕᐅᔪᖅ ᓂᕈᐊᕋᔅᓴᑐᐊᖑᓪᓗᓂ  ᒪᓕᒐᓕᐅᖅᑎᐅᓪᓗᓂ ᐊᕐᕕᐊᑦ ᐅᐊᓐᓇᖓᓄ−ᑎᑭᕋᕐᔪᐊᖅ,  ᐅᖃᖅᑐᖅ ᐃᑲᔪᕈᓐᓇᖅᑐᒋᑦ ᓂᕈᐊᖅᑎᐅᔪᑦ  ᐃᒻᒥᒃᑯᑦ  ᐃᓱᒫᓘᑕᐅᔪᓄᑦ, ᐊᒻᒪ ᐊᔭᐅᖅᓯᒋᐊᕈᓐᓇᕐᓂᖅ  ᑐᑭᒧᐊᖅᑕᖓᓂᑦ  ᒐᕙᒪᒥᑦ  ᐅᖃᐅᓯᕆᓪᓗᒍ  ᐊᖏᓂᖅᓴᒥᑦ  ᑕᑯᓐᓇᖅᑐᒍ, ᐃᒪᐃᓯᒪᔪᖅ " ᐱᔾᔪᓯᐊᑦᑎᐊᓇᖅᑐᖅ." 

"ᑕᕝᕙᓂᔅᓴᐃᓐᓇᖅ,  ᐊᔅᓱᕈᕈᑕᐅᔪᖅ  ᐱᔨᑦᑎᓂᕐᒥᑦ  ᖁᕝᕙᓯᖃᑦᑕᖅᓯᒪᔪᖅ  ᐃᓛᓐᓂᒃᑯᑦ, ᐱᐅᖏᑦᑐᓂᑦ  ᓴᖅᑭᔮᖅᑎᑦᑎᔪᑦ  ᐊᒻᒪ ᖃᓄᐃᓘᑲᒻᒪᖃᑦᑕᕐᓂᖏᑦ  ᖃᕋᓴᐅᔭᒃᑯᑦ  ᐃᕐᖏᓐᓈᕈᑎᒃᑯᑦ,  ᐊᐅᓪᓚᐃᓐᓇᖃᑦᑕᕐᓂᖅ  ᐃᖃᓗᓐᓄᑦ  ᐊᒻᒪᓗᑦᑕᐅ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᖅ," ᒪᐃᓐ  ᐅᖃᖅᑐᖅ.

ᒪᐃᓐ  ᐅᖃᖅᑐᖅ  ᐅᖃᐅᓯᕆᔭᕋᐊᓗᐊᕋᔭᖅᑐᖅ  ᓯᕗᓕᖅᑎᐅᓂᕐᒧᑦ  ᐱᓕᕆᔭᐅᖏᓐᓂ  ᑭᓯᐊᓂ  ᓯᕗᓂᖅᓴᒥ  ᒪᓕᒐᓕᐅᖅᑎᐅᖃᖏᑦ ᓂᕈᐊᖅᑕᐅᒍᑎ ᐃᔅᓯᕙᐅᑕᖏᓐᓄᑦ.

ᐅᓇᐅᑎᓪᓗᒍ  2020,  ᐸᕐᓂᖅᑑᒧᑦ  ᒪᓕᒐᓕᐅᖅᑎ  ᒫᒡᒍᓚᑦ ᓇᑲᓱᒃ, ᓯᕗᓪᓕᖅᐹᒥ  ᓂᕈᐊᖅᑕᐅᔪᖅ  2017, ᐃᓐᓄᐃᓚᐅᖅᑐᖅ  ᐃᓐᓄᑦᑕᐅᓯᒪᖏᑦᑐᒥ ᒥᓂᔅᑕᐅᑎᓂᑦ  ᓄᓇᕗᒻᒥ  ᓯᕗᓕᖅᑏᑦ  ᑲᑎᒪᔨᖏᓐᓄ  ᑭᖑᕝᑯᓪᓗᓂ  ᐸᑎᖅ ᓇᑦᓯᖅ  ᓄᑖᖑᓪᓗᓂ ᐃᓚᒋᔭᐅᔪᖅ ᓄᓇᕗᒻᒥ  ᓯᕗᓕᖅᑏᑦ ᑲᑎᒪᔨᖏᑦ. 

ᓇᑲᓱᒃ  ᐱᔨᑦᑎᖅᓯᒪᔪᖅ  ᒥᓂᔅᑕ  ᐃᓕᖅᑯᓯᓕᕆᔨᒃᑯᓐᓄᑦ.

ᐅᖃᐅᔾᔨᔪᖅ  ᓰᐱᓰ−ᑯᓐᓂᑦ 1 00 ᐳᓴᓐᑎᒥᑦ  ᓇᓗᓇᐃᖅᓯᒪᓐᓇᓂ  ᓂᕈᐊᕋᒃᓴᐅᑲᓐᓂᓂᐊᕐᓂᖓᓄ  ᑭᓯᐊᓂ ᑲᔪᖏᖅᓴᖅᑕᐅᒍᓂ  ᓄᓇᓕᒻᒥᐅᑕᓄᑦ ᓂᕈᐊᕋᒃᓴᐅᑲᓐᓂᕐᓗᓂ.

ᐅᖃᖅᑐᖅ, ᓇᑲᓱᒃ  ᑲᔪᖏᖅᓴᖅᑕᖏᑦ  ᓄᓇᕗᒻᒥᐅᑕᓕᒫᑦ ᐃᓚᐅᖃᑕᐅᓗᑎ  ᓂᕈᐊᖅᑕᐅᕙᑦᑐᓂᑦ ᐱᕙᓪ−ᓕᐊᔪᓂᑦ.

ᓂᒋᐊᓄ ᕿᑭᖅᑖᓗᒃ  ᑕᐃᕕᑎ ᔪᐊᓇᓯ  ᓂᕈᐊᖅᑕᐅᓚᐅᕐᒥᔪᖅ ᓂᕈᐊᕋᒃᓴᑐᐊᖑᓪᓗᓂ.

ᔪᐊᓇᓯ ᐱᔨᑦᑎᖅᓯᔪᖅ ᒥᓂᔅᑕ  ᐃᓕᓐᓂᐊᕐᓂᓕᕆᓂᕐᒧᑦ  ᐊᒻᒪ  ᐃᓕᖅᑯᓯᓕᕆᔨᒃᑯᓐᓄᑦ, ᐊᒻᒪᓗᑦᑕᐅᖅ  ᒥᓂᔅᑕ  ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᓴᕐᕕᒻᒥᑦ ᐊᒻᒪ  ᐅᖃᐅᓯᕐᓄᑦ.

ᐃᓱᒫᓗᓐᓇᓛᖑᔪᖅ  ᓄᓇᕗᒻᒧᑦ  ᑕᕝᕙᓂ  ᓂᕈᐊᕐᓂᐅᔪᒥᑦ ᐱᖃᓯᐅᔾᔨᔪ ᑦ ᐃᒡᓗᓕᕆᓂᖅ, ᐋᓐᓂᐊᖃᕐᓇᖏᑦᑐᓕᕆᓂᕐᖅ  ᐊᒻᒪ  ᐃᓐᓇᑐᖃᕐᓂᑦ ᑲᒪᒋᔭᖃᕐᓂᖅ,  ᔪᐊᓇᓯ  ᐅᖃᖅᑐᖅ, ᐅᖃᒃᑲᓂᖅᑕᐅᔪᖅ ᐊᒥᓱᓄᑦ  ᓂᕈᐊᕋᒃᓴᓄᑦ ᓄᓇᕗᒻᒥ.

ᔪᐊᓇᓯᓂ  ᐅᖃᖅᑐᖅ ᐱᔨᑦᑎᑲᓐᓂᕋᔭᖅᑐᓂ  ᒥᓂᔅᑕᐅᑎᓂᑦ, ᑭᓯᐊᓕ ᓯᕗᓕᖅᑎᐅᖏᑦᑐᒧᑦ.

ᑕᐃᕕᑎ ᐊᕿᐊᕈᖅ ᓂ ᕈᖅᑕᐊᓚᐅᕐᑐᖅ ᓂᕈᐊᕋᔅᓴᑐᐊᖑᓪᓗᓂ  ᖁᒃᑎᑦᑐᖅ ᓂᕈᐊᖅᑕᐅᕕᒻᒧᑦ.  ᐅᖃᐅᔾᔨᓚᐅᖅᑐᖅ ᓰᐱᓰᑯᓐᓂᑦ  ᓯᕗᕙᓯᓗᐊᖅᑐᖅ ᐅᖃᕐᓱᓂ  ᒥᓂᔅᑕᐅᑎᓃᓐᓂᐊᕐᒪᖔᑦ  ᐅᕝᕙᓘᓐᓃᑦ  ᐃᓚᒋᔭᐅᖏᓪᓗᓂ  ᒥᓂᔅᑕᐅᑎᓂᑦ.

ᐊᕿᐊᕈᕐᒧᑦ, ᓂᕈᐊᖅᑕᐅᓪᓗᓂ  ᓂᕈᐊᕋᓴᒃᑐᐊᖑᓪᓗᓂ  ᑐᑭᖃᖅᑐᖅ  ᐊᑐᕈᓐᓇᓚᐅᖏᑦᑐᖅ  ᓂᕈᐊᕋᒃᓴᐅᓂᕐᒧᑦ  ᑮᓇᐅᔭᓂᑦ ᐊᐅᓪᓚᓂᕐᒧᑦ ᐊᑕᖏᖅᑐᒋᑦ  ᐱᖓᓱᓄᑦ ᓄᓇᓕᓐᓄᑦ  ᓂᕈᐊᖅᑕᐅᕕᖓᓂ: ᖃᐅᓱᐃᑦᑐᖅ, ᐃᒃᐱᐊᕐᔪᒃ  ᐊᒻᒪ  ᐊᐅᓱᐃᑦᑐᖅ.

ᑭᓯᐊᓂ ᐱᔪᓐᓇᓚᐅᖅᑐᖅ ᓇᒻᒥᓂᕆᔭᖓᓂ  ᖃᖓᑦᑕᐅᑎᒥᑦ  ᐃᒃᐱᐊᕐᔪᒻᒨᓂᕐᒧᑦ  ᐋᒃᑑᐱᕆ  20 ᑎᑭᑦᑐᒍ  ᐋᒃᑑᐱᕆ 26.

ᐊᕿᐊᕈᖅ  ᐅᖃᖅᑐᖅ  ᐸᕐᓇᓯᒪᓚᐅᖅᑐᖅ  ᓄᓇᓕᒻᒥ  ᓈᓚᐅᑎᒃᑰᕐᓗᓂ  ᐊᒻᒪ  ᖃᕋᓴᐅᔭᒃᑯᑦ ᐃᖏᓐᓈᕈᑎᒃᑯᑦ  ᑐᓴᕐᕕᖃᕐᓗᓂ ᓂᕈᐊᖅᑕᐅᕕᖓᓂ ᓂᕈᐊᖅᑎᖏᓐᓂ.