ᐆᒃᑐᕋᓱᐊᕐᑐᑦ: ᑲᖏᖅᖠᓂᖅ ᐅᐊᓐᓇᖓ − ᐃᒡᓗᓕᒑᕐᔪᒃ
ᐱᑕᖃᕆᐊ ᖃᕐᓂᖓ ᐃᓱᒪᔮᖃᑦᑕᖅᑐᓄᑦ ᐋᓐᓂᐊᕐᑐᓕᕆᓂᕐᒧᑦ ᐱᔭᒃᓴᐅᓂᖓ ᓴᖅᑭᖃᑦᑕᖅᑐᑦ ᓂᕈᐊᕋᒃᓴᐅᔾᔪᑎᓂᑦ
ᑲᖏᖅᖠᓂᖅ (ᐃᓄᒋᐊᓐᓂᖏᑦ 2,840) ᓄᓇᕗᒻᒥ ᑐᖏᓕᖓ ᐊᖏᓛᖑᔪᓂᑦ ᓄᓇᓕᖕᓂᑦ, ᐊᐅᓚᑦᑎᓂᕐᒧᑦ ᐊᒻᒪᓗ ᐃᖏᕋᔪᓕᕆᓂᕐᒧᑦ ᑲᑎᒃᕕᓪᓗᐊᑕᖅ ᑭᕙᓪᓕᕐᒧᑦ.
ᑲᖏᖅᖠᓂᖅ ᐅᐊᓐᓇᖓ ᐃᓚᒋᔭᖃᖅᑐᖅ ᑲ ᓇᓐᓇᖓᓂ ᓇᑉᐸᖓ ᑕᐅᓐ, ᑕᓯᐅᔭᖅᔪᐊᒥ. ᐊᖏᓂᖅᓴᖓ ᓄᓇᓕᓪᓗᐊᑕᖓ ᑕᕝᕙᓃᑦᑐ, ᐱᖃᓯᐅᑎᓪᓗᑎ ᑎᑎᖅᑲᓂᐊᕐᕕᒃ, ᓂᕆᔭᖅᑐᕐᕕᒃ ᐊᒻᒪ ᓯᓂᑦᑕᖅᕕᒃ ᑐᔪᕐᒥᕕᒃ.
ᓂᕈᐊᖅᑕᐅᕕᒋᔭᐅᔪᖅ ᐱᖃᓯᐅᔾᔨᒻᒥᔪᖅ ᒥᑭᔪᒥᑦ ᐃᒡᓗᓕᒑᕐᔪᒃ (ᐃᓄᒋᐊᓐᓂᖏᑦ 435).
ᓄᓇᓕᖕᓂ ᓴᖅᑭᑲᓐᓂᖃᑦᑕᖅᑐᑦ ᐱᖃᓯᐅᔾᔨᔪᑦ ᓱᕋᑦᑎᕆᓂᐅᔪᑦ ᐊᒻᒪᓗ ᐃᖏᕋᖃᑦᑕᖅᑐᓄᑦ ᓯᖁᒥᑦᑎᖃᑦᑕᕐᓂᖏᑦ, ᐊᐳᕈᑎᖃᖅᑎᑦᑎᖃᑦᑕᖅᑐᑦ.
ᑕᕝᕙᓂ ᓂᕈᐊᖅᑕᐅᕕᒻᒥ ᐃᐅᐳᑦ ᐊᐅᑲᐅᑦ ᐊᒻᒪᓗ ᐋᓕᒃᓴᓐᑐ ᓴᒻᒧᕐ ᑐᖅ ᓂᕈᐊᕋᒃᓴᐅᖃᑎᒋᔭᖏᑦ ᓂᕈᐊᖅᑕᐅᓯᒪᔪᒧᑦ ᑳᖠ ᑕᐅᑐᖏ.
ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊ ᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.
ᐃᐅᐳᑦ ᐊᐅᑲᐅᑦ
ᓰᐲᓰ−ᑯᑦ ᓱᓕ ᑐᓴᓚᐅᖏᑦᑐ ᑐᓴᖅᑕᐅᔭᕆᐊᓕᖕᓂᑦ.
ᐋᓕᒃᓴᓐᑐ ᓴᒻᒧᕐᑐᖅ
ᐋᓕᒃᓴᓐᑐ ᓴᒻᒧᕐᑐᖅ ᓄᑖᖑᖏᑦᑐᖅ ᓄᓇᕗᒻᒥ ᓂᕈᐊᖅᑕᐅᖃᑦᑕᑐᓂᑦ. ᓂᕈᐊᖅᑕᐅᓚᐅᖅᓯᒪᔪᖅ ᒪᓕᒐᓕᐅᕐᕕᒻᒧᑦ ᓄᓇᕗᑦ ᓂᕈᐊᒃᑲᓂᕐᓂᖃᖅᑎᓪᓗᒋᑦ ᕕᕗᐊᕆ 2014.
ᓴᒻᒧᕐᑐᖅ ᓯᕗᓪᓕᖅᐹᒥ ᓂᕈᐊᒃᔅᓴᐅᓚᐅᖅᓯᒪᔪᖅ 2013 ᓂᕈᐊᕐᓂᐅᔪᒥᑦ, ᑭ ᓯᐊᓂᐊᔾᔨᒌᓪᓗᐊᓂᒃ ᓂᕈᐊᖅᑕᐅᖃᑎᖃᒋᓚᐅᖅᑕᖓ ᓂᕈᐊᖅᑕᐅᓯᒪᔪᖅ ᒪᓕᒐᓕᐅᖅᑎ ᓗᐊᓐ ᑯᓱᒐᖅ ᐊᒡᒍᑕᐅᒃᑲᓂᖅᓯᒪᔪᓂᑦ ᑲᖏᖅᖠᓂᖅ ᓂᒋᐊᓄ.
ᒪᓕᒐᑎᒍᑦ ᓈᓴᐃᒃᑲᓂᕐᓂᖅ ᓇᓗᓇᐃᕐᓯᓚᐅᖅᑐᖅ ᐊᔾᔨᒌᓂᒃ ᓂᕈᐊᖅᑕᐅᓪᓗᑎ ᐊᒻᒪᓗ ᑕᒪᒃᑭ ᓂᕈᐊᕋᒃᓴᐅᓚᐅᖅᑐᑦ ᑕᒪᐅᓇᑐᐃᓐᓇᖅ ᓂᕈᐊᕐᓂᖃᖅᑎᓪᓗᒋᑦ ᓴᒻᒧᕐᑐᖅ ᓇᓗᓇᐃᖅᑕᐅᓚᐅᖅᑐᖅ ᓵᓚᒃᑕᖅᑐᓂ.
ᓴᒻᒧᕐᑐᖅ ᐃᓅᓚᐅᕐᓯᒪᔪᖅ ᐃᒡᓗᓕᒑᕐᔪᒃᒥᑦ, ᓅᓚᐅᕐᑎᓐᓇᒍ ᑲᖏᖅᖠᓂᕐᒧᑦ ᐱᔭᕇᓚᐅᕐᑕᖓ ᐃᓕᓐᓂᐊᕕᒃᔪᐊᒥᑦ ᐊᒻᒪᓗ ᑲᓇᑕᒥ ᓇᓗᓇᐃᒃᑯᑖᖅᑐᓂ ᓱᓪᓗᓕᕆᓂᕐᒧᑦ ᐅᑭᐅᑕᖅᑐᒥ ᓯᓚᑦᑐᓴᕐᕕᒻᒥ ᓴᓇᔨᐅᓂᕐᒧᑦ ᐃᓕᓐᓂᐊᕕᒻᒥ.
ᓴᒻᒧᕐᑐᖅ ᐃᖅᑲᓇᐃᔭᖃᑦᑕᖅᓯᒪᔪᖅ ᓂᐅᕕᕐᕕᑯᓐᓄᑦ ᐊᓪᓚᑦᑎᐅᓪᓗᓂ, ᑯᐊᐸᒃᑯᓐᓄᑦ ᑲᑐᔾᔨᖃᑎᒌᒧᑦ ᐊᓪᓚᑦᑎ, ᓄᓇᕗᑦ ᒐᕙᒪᒃᑯᓐᓄᑦ ᓴᓇᔭᐅᔭᕆᐊᓕᓐᓄᑦ ᐱᔨᑦᑎᖅᑕᓄᑦ ᐊᐅᓚᑦᑎᔨ, ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᒃᑯᑦ ᑐᑭᒧᐊᖅᑎᑦᑎᔨ ᕿᑭᖅᑖᓗᖕᒧᑦ, ᐊᒻᒪᓗ , ᒫᓐᓇᐅᔪᒥᑦ ᑲᖏᖅᖠᓂᕐᒥᑦ ᐃᓪᓗᓕᕆᔨᒃᑯᓐᓄᑦ ᓱᓪᓗᓕᕆᔨ.
ᐃᓱᒫᓘᑕᐅᓛᖑᔪᑦ ᓄᓇᓕᖕᓂᑦ ᐱᖃᓯᐅᔾᔨᔪᑦ ᒪᑐᐃᖅᑕᐅᑲᓐᓂᕐᓂᖓ ᐃᕐᓂᓱᒃᓰᕕᒃ, ᐱᑕᖃᕆᐊᖃᕐᓂᖓ ᐋᓐᓂᐊᓕᓐᓄᑦ ᐱᓕᕆᕕᒃ ᑲᖏᖅᖠᓂᕐᒥᑦ ᐊᒻᒪᓗ ᐱᔭᔅᓴᐅᑲᓐᓂᕐᓂᖏᑦ ᐃᓱᒪᔮᖃᑦᑕᖅᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᓱᒫᓘᑕᐅᔪᑦ.
ᑕᑯᔪᒪᒻᒥᔪ ᐋᖓᔮᓇᖅᑐᓄᑦ ᒪᒥᓴᕐᕕᒻᒥ ᓄᓇᕗᒻᒥ, ᐊᒻᒪᓗ ᖃᓄᐃᓕᓯᒋᐊᒃᑲᓂᕐᓂᐅᔪᑦ ᐃᓪᓗᓕᕆᓂᕐᒧᑦ ᑐᐊᕕᕐᓇᖅᑐᒥᑦ.
ᑳᖠ ᑕᐅᑐᖏ
ᑳᖠ ᑕᐅᑐᖏ ᐃᓅᓂᑯ ᓴᓪᓕᕐᒥ ᐊᒻᒪᓗ ᓴᓪᓕᕐᓃᒍᓐᓃᓚᐅᕐᓯᒪᔪ ᐊᕐᕌᒍᖃᖅᑐᓂ 13 ᐃᓕᓐᓂᐊᕆᐊᖅᑎᑕᐅᓂᕐᒧᑦ.
ᑕᐃᓐᖓᓂᑦ ᐱᔭᕇᖅᓯᓯᒪᔪᖅ ᓄ ᓇᖃᖅᑳᖅᓯᒪᔪᓄᑦ ᒪᓕᒐᓕᕆᓂᕐᒧᑦ ᐱᓕᕆᐊᒥᑦ, ᓇᒻᒥᓂᖃᓂᕐᒧᑦ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖅ ᓯᓚᑦᑐᓴᕐᕕᒃᔪᐊᒥ ᓕᐊᑦᐳᕆᑦᔅ ᐊᒻᒪᓗ ᓇᓗᓇᐃᒃᑯᑕᖃᖅᑐᖅ ᐱᔭᕇᖅᓯᓯᒪᓂᕐᒧᑦ ᓄᓇᓕᖕᓂᑦ ᐊᐅᓚᑦᑎᓂᕐᒧᑦ ᓄᓇᕗᒻᒥ ᐅᑭᐅᑕᖅᑐᒥ ᓯᓚᑦᑐᓴᕐᕕᒻᒥᑦ.
ᑕᐅᑐᖏ ᓯᕗᓪᓕᖅᐹᖑᓚᐅᖅᑐᖅ ᐊᕐᓇᐅᓪᓗᓂ ᐊᖏᔪᖅᑳᒧ ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᒋᐊᖅᑐᓂ 2001 ᑎᑭᑦᓱᒍ 2004. ᐱ ᔨᑦᑎᖅᓯᒪᔪᖅ ᒪᕐᕉᓐᓄᒃ ᓂᕈᐊᖅᑕᐅᓯᒪᓂᕐᒧᑦ ᐱᒋᐊᕐᓂᑯ 2010, ᐊᒻᒪᓗ ᐃᖅᑲᓇᐃᔭᖅᓯᒪᔪᖅ ᒪᓕᒐᓕᕆᓂᕐᒥᑦ ᖃᓂᒋᔭᐸᓗᒋᓕᖅᑕᖏᑦ 10 ᐊᕐᕌᒍᐃᑦ. ᓯᕗᓪᓕᖅᐹᒥ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᕗᒻᒥ ᒪᓕᒐᓕᐅᕐᕕᒻᒧᑦ ᐊᒃᑐᐱᕆ 2017.
"ᓱᓕᓂᕋᑐᐃᓐᓇᕈᓐᓇᖅᑐᖓ: ᐊᕐᓱᕈᕐᓗᖓ ᐃᖅᑲᓇᐃᔭᕐᓗᖓ, ᐅᐸᒐᒃᓴᐅᓗᖓ, ᑐᓴᕐᕕᒋᔭᐅᓗᖓ," ᐅᖃᖅᑐᖅ ᓂᕈᐊᕋᒃᓴᐅᔪᔾᔪᑎᖏᓐᓄ ᐅᖃᓕᒫᒐᕋᓛᓂᑦ.
ᑕᐅᑐᖏ ᐅᖃᖅᑐᖅ ᖁᕕᐊᒋᔭᖃᓚᐅᖅᑐᓂ ᒪᓕᒐᓕᐅᕐᑎᑐᐃᓐᓇᐅᓪᓗᓂ ᑭᖑᓪᓕᖅᐹᒥ ᒐᕙᒪᐅᔪᒥᑦ ᐱᔾᔪᑎᒋᓪᓗᒍ ᓂᓪᓕᐊᒍᓐᓇᑎᑦᑎᓪᓗᓂ ᐊᔾᔨᒌᖏᑦᑐᓂᑦ ᐃᓱᒫᓘᑕᐅᔪᓂᑦ.
ᓄᓇᓕᖕᓂ ᐃᓱᒫᓘᑕᐅᔪᑦ ᓴᖅᑭᖅᑎᕋᑖᓚᐅᖅᑕᖏᑦ ᐱᖃᓯᐅᔾᔨᔪᑦ ᐱᑕᖃᕆᐊᖃᕐᓂᖓ ᓱᓪᓗᓕᓄᑦ ᐱᐅᓯᑎᒋᐊᖅᑕᐅᓂᖏᑦ ᐊᒻᒪᓗ ᐱᐅᓂᕐᓴᓂᑦ ᐊᒥᕐᓱᑦ ᓴᓂᐅᔾᔭᐃᒃᑯᑎᓂ ᐊᑐᖅᑕᐅᔪᒥᑦ ᑲᖏᖅᖠᓂᕐᒥᑦ.
ᐃᒡᓗᓕᒑᕐᔪᒃ ᐱᔭᕆᐊᖃᖅᑐᖅ ᐊᔾᔨᒌᖏᑦᑐᓂᑦ ᐱᖁᑎᕐᔪᐊᑦ ᐱᐅᓯᑎᒋᐊᖅᑕᐅᓂᖏᓐᓄᑦ, ᐱᖃᓯᐅᑎᓪᓗᑎ ᓄᑖᑦ ᐸᐃᕆᕖᑦ, ᐅᖃᖅᑐᖅ.