ᐆᒃᑐᕋᓱᐊᕐᑐᑦ: ᑐᓄᓂᖅ (ᒥᑦᑎᒪᑕᓕᒃ)

ᒥᑦᑎᒪᑕᓕᒃ (ᐃᓄᒋᐊᕐᓂᖓ 1,794)  ᓄᓇᕗᒻᒥ  ᑲᔾᔭᕐᓈᕐᓂᖅᐹᖑᖃᑕᐅᔪᖅ  ᓄᓇᓕᐅᔪᓂᑦ.  ᕿᑭᖅᑖᓘᑉ  ᐅᐊᓐᓇᕐᐸᓯᖓᓃᑦᑐ, ᕼᐋᒻᒪᓚᐅᔪᖅ ᓯᕐᒥᓕᓐᓂ  ᐃᓐᓈᕈᖃᕐᑐᖅ  ᒥᑦᑎᒪᑕᓕᐅᑉ  (ᐸᐃᓚᑦ)   ᕿᑭᖅᑕᖓᓂ  (ᓯᕐᒥᓕᒃ ᒥᕐᖑᐃᖅᓯᕐᕕᑕᖃᖅᑐᖅ) ᐃᒪᐅᑉ  ᑕᕆᐅᖓ   ᓛᓐᑳᔅᑐᒧᑦ  ᐊᕐᕌᒍᑕᒫᓪᓗ ᑑᒑᓖᑦ  ᐊᖅᑯᓵᖃᕐᒥᔪᑦ. 

ᖃᓂᓛᖑᔪᖅ  ᓄᓇᓕᐅᓪᓗᓂ  ᐹᕙᓐᓛᓐ  ᐅᔭᕋᕐᓂᐊᕐᕕᖓᓄᑦ  ᓄᓘᔮᓂ,   ᐃᓄᓐᓂᒃ  ᐊᒻᒪᓗ  ᖃᓪᓗᓈᓂᒃ  ᐃᖅᑲᓇᐃᔭᕐᕕᐅᔪᖅ  ᐊᑦᑐᖅᓯᓯᒪᓪᓚᕆᑦᑐᓂᓗ  ᓄᓇᓕᐅᔪᒥᒃ.

ᐅᑭᐅᖑᓚᐅᖅᑐᒥᑦ,  ᐊᑲᐅᙱᓕᐅᕈᑕᐅᓚᐅᖅᑐᖅ  ᐹᕙᓐᓛᓐᑯᑦ  ᐊᖏᓪᓕᒋᐊᕐᑎᑕᐅᒍᒪᓪᓗᓂ  ᒪᑐᔭᐅᑎᑦᑎᒍᑕᐅᓚᐅᖅᑐᖅ  ᐅᔭᕋᕐᓂᐊᕐᕕᐅᑉ ᒥᕝᕕᖓᓂ,  ᑕᐃᒪᐃᑎᑦᓯᓚᐅᖅᑐᖅ  ᒪᑐᒍᑕᐅᓪᓗ ᓂ ᐊᐅᓚᑦᓯᓂᐅᔪᓕᒫᓂᒃ  ᓄᓘᔮᓂ. 

ᑕᕝᕙᓂ ᓂᕈᐊᒐᒃᓴᐅᔪᒥ  ᔮᓱᐊ  ᐋᕆᐊᒃ  ᐊᒻᒪᓗ  ᑭᐊᕋᓐ  ᓄᑕᕋᖅ  ᓵᓚᖃᕋᓱᐊᖅᑑᒃ  ᓂᕈᐊᖅᑕᐅᓯᒪᔪᒥᑦ  ᑕᐃᕕᑎ   ᖃᔮᑯᑦᑐᒃ  ᖃᒪᓂᕐᒥᑦ.

ᓰᐱᓰ  ᖃᐅᔨᒋᐊᖅᓯᒪᔪᑦ  ᑕᒪᒃᑭᓐᓄᑦ  ᓂᕈᐊᖅᑕᐅᒐᓱᐊᖅᑐᓄᑦ  ᑎᑎᕋᖅᓯᒪᔪᓂᑦ  ᐊᐱᖅᓲᑎᓂᒃ  ᐃᓄᒃᑎᑐᑦ ᐊ ᒻᒪᓗ  ᖃᓪᓗᓈᑎᑐᑦ,  ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ  ᓂᕈᐊᖅᑕᐅᒐᓱᐊᖅᑐᑉ  ᓇᒻᒥᓂᕆᔭᖓᓂᑦ  ᖃᕋᓴᐅᔭᓕᕆᓂᕐᒧᑦ  ᓂᕈᐊᖅᑕᐅᒐᓱᐊᕐᓂᕐᒧᑦ  ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ  ᐋᖅᑭᒋᐊᖅᑕᐅᓯᒪᔪᑦ  ᑕᑭᓂᖏᓐᓂᑦ  ᐊᒻᒪᓗ  ᑐᑭᓯᐊᔾᔪᑎᒃᓴᖏᓐᓄᑦ.

ᔮᓱᐊ  ᐋᕆᐊᒃ

ᔮᓱᐊ  ᐋᕆᐊᒃ  ᐃᓅᓚᐅᓯᒪᔪ  ᐋᓕᒃᓵᓐᑐᒥᑦ  ᐊᓪᔅᒥᐅ (ᐊᐅᓱᐃᑦᑑ  ᕿᑭᖅᑕᖓᓂ)  ᐊᑖᑕᖓ  ᐸᓖᓯᐅᕕᒋᓚᐅᕐᑕᖓᓂ,  ᑭᓯᐊᓂ  ᐱᕈᕐᓴᖅᑕᐅᓂᑰᔪᖅ ᒥᑦᑎᒪᑕᓕᒻᒥ.

ᐃᓱᓕᑦᑎᓂᑰᓪᓗᓂ  ᑰᔾᔪᐊᕐᒥ  ᐃᓕᓐᓂᐊᕐᕕᖓᓂ, ᐊᐃᖕᓕᑲᒃᑯᑦ  ᐊᔪᕆᖅᓯᐅᔨᑦᓴᖏᓐᓄᑦ ᐸᓐᓂᖅᑑᒥ,  ᐋᕆᐊᒃ  ᐊᒥᓱᓂᒃ  ᓄᓇᖃᖅᓯᒪᔪᖅ ᓄᓇᓕᐅᔪᓂᒃ ᓄᓇᕗᒻᒥ  ᐊᒻᒪᓗ  ᓄᓇᕕᒃᒥ.

ᐋᕆᐊᒃ  ᒪᓕᒐᓕᐅᖅᑎᙳᓇᓱᐊᖅᑐᖅ  ᐱᓕᕆᓂᑰᓂᖓᓄᑦ  ᐊᒥᓱᓂᒃ  ᐃᖅᑲᓇᐃᔮᓂᒃ, ᑲᑎᒪᓂᐅᓂᕐᒥᑦ  ᐊᒻᒪᓗ  ᐊᔪᕆᖅᓯᐅᓂᕐᒥᑦ.

ᐋᕆᐊᒃ,  ᓄᖅᑲᖓᑲᐃᓐᓇᖅᑐᖅ  ᒪᐃᔭᐅᓂᕐᒥᓂᒃ,  ᓰᐱᓰᒃᑯᓐᓄᑦ  ᐅᖃᖅᓯᒪᔪᖅ  ᒥᑦᑎᒪᑕᓕᒻᒥᐅᑕᓂᒃ  ᐱᓕᕆᖃᑎᖃᑦᓯᐊᕋᔭᖅᑐᖅ.

ᐅᖃᓚᐅᖅᑐᖅ,  ᓂᕈᐊᖅᑕᐅᓐᓂᕈᓂ,  ᓯᕗᓕᖅᑎᐅᒍᒪᒐᔭᖅᑐᖅ.  ᒥᓂᔅᑕᐅᖃᑕᐅᒍᒪᒐᔭᖅᑐᖅ − ᑭᓯᐊᓂ  ᓄᓇᓕᖕᓂᑦ  ᐃᓱᒫᓗᓐᓇᖅᑐᑦ ᐊᒃᓱᕉᑎᒋᒐᔭᖅᑕᖏᑦ.

ᑕᒪᒃᑯᐊ  ᐃᓚᖃᖅᑐᑦ  ᒪᑭᒪᔾᔪᑎᑦᓴᑦᑎᐊᕙᓐᓂᒃ,  ᓲᕐᓗ  ᓄᑖᒥᑦ  ᐃᒥᑦᑎᐊᕙᒃᑯᕕᒻᒥᑦ  ᐊᒻᒪᓗ  ᐱᓕᕆᐊᖃᕐᓗᓂ  ᒥᑦᑎᒪᑕᓕᒃ  ᕿᑭᖅᑖᓘᑉ  ᐅᐊᓐᓇᖓᓂ  ᑐᑦᑕᕐᕕᐅᓕᕐᓗᓂ.

ᐋᕆᐊᒃ  ᐊᑦᓱᕈᕋᔭᕐᒥᔪᖅ  ᐃᓐᓇᒃᑯᕕᖃᖁᔨᓪᓗᓂ  ᓄᓇᕗᒻᒥ.

ᑭᐊᕋᓐ  ᓄᑕᕋᒃ

ᑭᐊᕋᓐ ᓄᑕᕋᒃ  ᐃᓅᓂᑯ  ᐃᖃᓗᓐᓂ  ᐊᒻᓗ ᒪ ᐱᕈᕐᓴᓯᒪᓪᓗᓂ  ᒥᑦᑎᒪᑕᓕᒻᒥ.

ᑯᑦᑎᓂᓕᓐᓕᑦ   12-ᒧᑦ  ᐃᓱᓕᔾᔪᓯᐊᖃᖅᑐᖅ  ᐊᒻᒪᓗ  ᐃᓐᓇᕐᓄᑦ  ᐃᓕᓴᐃᔨᐅᓂᕐᒧ ᑦ ᓇᓗᓇᐃᒃᑯᑕᕐᒥᑦ  ᑕᐃᑲᙵᑦ  ᕗᕌᓐᓴᔅ  ᐊᒃᓴᐃᕕᔪ ᓯᓚᑦᑐᖅᓴᕐᕕᔾᔪᐊᖓᓂ,  ᐊᓯᖏᓐᓂᓪᓗ  ᐃᓕᓐᓂᐊᕐᓂᑰᔪ.

ᑕᐃᒪᙵᓂ 2 009-ᒥᑦ, ᓄ ᑕᕋᒃ  ᐃᓐᓇᕐᓄᑦ  ᐃᓕᓴᐃᔨᐅᓂᑰᔪᖅ  ᓄᓇᓕᐅᑉ  ᓯᓚᑦᑐᖅᓴᕐᕕᖓᓂ  ᓄᓇᕗᑦ  ᓯᓚᑦᑐᖅᓴᕐᕕᖓᓂ  ᒥᑦᑎᒪᑕᓕᒻᒥ.

ᑭᐊᕋᓐ  ᐃᑲᔪᖃᑦᑕᖅᓯᒪᔪᖅ  ᐃᓕᖅᑯᓯᕐᒥᑦ  ᑕᑯᑦᓴᐅᑎᑦᓯᓂᕐᒥᑦ  ᑕᐃᒪᙵᓂ 1995-ᒥ  ᑖᒃᑯᓄᖓ  ᑐᓄᓂᕐᒥᐅᑦ  ᖁᙱᐊᖅᑎᑦᓯᔨᖏᓐᓂᒃ.

2015-ᒥᑦ,  ᑭᐊᕋᓐ ᐱᒋᐊᕐᑎᑦᓯᖃᑕᐅᓚᐅᖅᑐᖅ  ᐱᕈᕐᕕᒃ  ᐃᓕᓐᓂᐊᕆᐅᖅᓴᕐᕕᖓᓂ  ᒥᑦᑎᒪᑕᓕᒻᒥ,  ᓄᑕᖅᑲᓂᒃ  ᐃᓕᓐᓂᐊᖅᑎᑦᑎᓲᑦ  ᑐᙵᕕᖃᕐᓱᑎᒃ ᐃᓄᐃᑦ  ᖃᐅᔨᒪᔭᑐᖃᖏᓐᓂᒃ  ᐊᒻᒪᓗ  ᒫᓐᑕᓱᐊᕆᐅᑉ  ᑐᙵᕕᖏᓐᓂᒃ. 2019-ᒥᑦ , ᐃᓕᓐᓂᐊᕆᐅᖅᓴᕐᕕᒃ  ᐱᓕᕆᐊᑦᓴᖓ  ᓵᓚᖃᓚᐅᖅᑐᑦ 1 ᒥᓕᐊᓐᓂᒃ  ᐅᑭᐅᖅᑕᖅᑐᒥ  ᑕᑯᒥᓇᕐᔪᐊᖅᑐᓄᑦ  ᓵᓚᑦᓴᐅᓯᐊᑦᓴᓄᑦ  ᓄᑖᙳᕆᐊᕈᑎᖏᓐᓄᑦ,  ᒫᓐᓇᐅᔪᖅ  ᐊᑐᖅᑕᐅᕙᓪᓕᖅᑐᑦ  7-ᓂᒃ ᓄᓇᓕᐅᔪᓂᑦ ᐸᐃᕆᕕᖏᓐᓂᒃ.

ᒫᑦᓯ  2020-ᒥᑦ, ᓄᑕᕋᒃ,  ᐊᐅᓚᑦᓯᔨᐅᓯᒪᒻᒥᔪᖅ  ᒥᑦᑎᒪᑕᓕᐅᑉ  ᐳᓚᕋᖅᑐᓄᑦ  ᐱᓕᕆᕝᕕᖓᓂ,  ᓇᒻᒥᓂᖅᑖᓚᐅᕐᒥᔪᖅ,  ᐊᑏ (Let's go) ᐳᓚᕋᖅᑐᓕᕆᓂᕐᒥᑦ.

ᐃᖅᑲᓇᐃᔭᕐᓂᓕᒫᖓᓂ,  ᓄᑕᕋᒃ  ᐅᖃᖅᓯᒪᔪᖅ  ᐅᖃᕐᑎᑦᑎᔨᐅᖃᑕᕐᓯᒪᔪ  ᓄᓇᓕᖓᓄᑦ,  ᐃᓕᓐᓂᐊᖅᑐᓕᕆᓂᕐᒧᑦ,  ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ  ᐃᓄᐃᑦ  ᖃᐅᔨᒪᔭᑐᖃᖏᓐᓄᑦ.

ᓄᑕᕋᒃ  ᐅᖃᖅᑐᖅ,  ᓂᕈᐊᖅᑕᐅᕈᓂ,  ᓯᕗᓪᓕᐅᔾᔨᒐᔭᖅᑕᖏᑦ  ᐱᐅᓯᕚᓪᓕᖅᑕᐅᓗᑎᒃ  ᐊᔾᔨᒌᓕᖅᑎᑦᓯᓂᕐᒥᑦ, ᐊᑐᐃᓐᓇᖃᕐᕕᐅᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ  ᐊᒻᒪᓗ  ᐃᓱᒪᓕᕆᓂᕐᒧᑦ  ᐱᔨᑦᓯᕋᐅᑎᓂᒃ.

ᑕᐃᕕᑎ  ᖃᔮᑯᑦᑐᒃ  ᖃᒪᓂᖅ (ᐃᓕᓯᒪᔪᖅ)

ᒪᓕᒐᓕᐅᕐᕕᒻᒨᓂᑰᔪᖅ  2019-ᒥᑦ  ᑕᒪᐅᓇᑐᐃᓐᓇᖅ  ᓂᕈᐊᕐᓂᒃᑯᑦ,  ᖃᒪᓂᖅ,  ᒪᐃᔭᐅᓂᑰᔪᖅ  ᒥᑦᑎᒪᑕᓕᒻᒥ,  ᓄᓇᓕᕋᓛᒥᑦ  ᐃᓅᓂᑰᔪᖅ, ᓄᑦᑎᕐᓂᑰᓪᓗᓂ  ᒥᑦᑎᒪᑕᓕᒻᒧᑦ  1964-ᒥᑦ  ᑕᐃᒪᙵᓂᓗ  ᑕᐅᕙᓂᕐᒥᐅᑕᐅᔪᖅ.

ᐃᖅᑲᓇᐃᔭᕐᓂᑰᔪᖅ  ᑭᓈᓗᖃᕐᕕᓐᓂᒃ,  ᕼᐋᒻᒪᓚᒃᑯᓐᓄᑦ  ᒥᓪᓗᐊᕈᑎᒧᑦ  ᐊᖁᑎᐅᓂᑰᓪᓗᓂ,  ᕿᑭᖅᑕᓂ  ᐃᓄᐃᑦ  ᑲᑐᔾᔨᖃᑎᒌᓄᑦ ᐃᓄᐃᑦ ᐊᑦᑐᖅᑕᐅᓯᒪᓂᖏᓐᓄᑦ  ᐊᒻᒪᓗ  ᐱᕚᓪᓕᕈᑎᑦᓴᖏᓐᓄᑦ  ᐊᖏᕈᑎᓂᑦ  ᐋᔩᖃᑎᒌᔪᓕᕆᔨᐅᓂᑰᔪ  ᓄᓘᔮᑦ  ᐅᔭᕋᕐᓂᐊᕐᕕᖓᓄᑦ.

ᑭᖑᓪᓕᕐᒥ  ᐃᑦᓯᕚᖅᑎᓪᓗᒋᑦ  ᒪᓕᒐᓕᐅᕐᕕᒻᒥᑦ,  ᒪᓕᒐᓕᐅᖅᑎ  ᖃᒪᓂᖅ  ᐅᖃᐅᓯᖃᓚᐅᖅᑐᖅ  ᐊᑲᐅᙱᓕᐅᕈᑕᐅᔪᑯᑖᓂ ᒃ ᒥᑦᑎᒪᑕᓕᐅᑉ ᐃᒥᑦᑎᐊᕙᒃᑯᕕᖓᓂ. ᐊ ᕐᕌᒍᓕᒫᑲᓴᒻᒧᑦ  ᐋᖅᑭᑦᓱᐃᖃᑦᑕᕆᐊᖃᖅᑎᓪᓗᒋᑦ,  ᐃᒥᑦᑎᐊᕙᑦᑖᕐᕕᒃ  ᐊᕐᕌᓂ  ᐊᔪᕈᓐᓃᑕᐃᓐᓇᓚᐅᖅᑐᖅ,  ᑭᓯᐊᓂ ᐊᑲᐅᙱᓕᐅᕈᑎᑕᖃᖅᑐᖅᓱᓕ  ᐊᒻᒪᓗ  ᓄᑖᒥᑦ ᐋᖅᑭᑦᓯᑕᐃᓐᓇᓛᖅᑐᑦ  2022-ᒥᑦ.

ᖃᒪᓂᖅ  ᖃᐅᔨᔪᒪᓚᐅᕐᒥᔪᖅ  ᖃᖓᑕᓲᒃᑯᕕᐅᑉ  ᖃᓄᐃᓕᖓᓕᕆᐊᑦᓴᖓᓂᑦ  ᒥᑦᑎᒪᑕᓕᒻᒥ,  ᐅᖃᓚᐅᖅᑐᖅ  ᐋᖅᑭᒋᐊᖅᑕᐅᒋᐊᖃᓪᓚᕆᑦᑐᖅ.